Startseite
    My exchange year
    STS
    Camp in NEW YORK
    My host - family
    High - School
    Monatsberichte
    Photo Gallery
    About me
  Über...
  Archiv
  Gästebuch
  Kontakt
 



  Links
   STS



Webnews



http://myblog.de/andrea.maria

Gratis bloggen bei
myblog.de





My High School Year

Also i verzell eu etzt wieni uf ne ustusch cho ben...

I ha letscht johr met ner kollegin(mire) en 3 wöchige ufenthalt en england (westgate-on-sea) gmacht. Und wel eus da so spass gmachd het, hemmer eus entschede dasmer das johr da wedr machet (2007). D Mire het jedoch nömme chönne und so hani mi hald chli selber umegluegt. Denn hani welle 3 wuche uf Florida welle go...mini Eltere hend aber gseid, dases z tüür seg und dasi da sell vergesse...e paaar wuche spöter beni be eus ede Schuel ede Bibi chli go umeluege und ben denn uf sones Ustuschjohr gstosse. Dehei hani mer da alles agluegt und i be eifach öberzoge gsi devo. I han aber gwösst, dasi mer da d Eltere ned wörde erlaube...Denn hani eifach extra die Prospekt offe ufs Polt gleiht. Mini Mutter het mi denn gfrogt, obi etzt ned weder en Ufenthalt well mache. denn hani ere gseit, dasi do öbbis anders em Chopf han. Sie het sofort gseid, das das ned en Frog chunt...denn hani ere jede mögleche Grund gnennt und han ere gseid, dass sie mi nur ned wet lo go loh (chani au verstoh).. Paar Tääg spöter het sie denn gseid, dass da eigentli schono en gueti Idee esch und mi Vater isch sowiso deför gsi well er scho fasch öberal gsi esch weler Pilot esch. Denn hend sie gseid i chan ja es halbs jahr go, denn hani gseid: nei es johr esch vell besser, wel me lehrt me und me cha sech beser iläbe und es esch öbbe glich tüür wienes halbsjohr...han mi denn föres ganzes johr entschede.

Denn hani mi för 3 Orgas entschede: STS, EF, YFU. I han denn EF usegstriche. I han mösse uf Zöri go, gone Ufnahemtest schribe vode YFU us. i han de au bestande und sie hend mer denn au metteilt, dass sie mi ufgnoh hend. I be aber vo ene ned so öberzoge gsi. Ben denn hald no met mine eltere ane STS-Infotreff und die hend mi hald mega öberzoge. Und sie hend sech au wörkli müeh ge und au sofort d unterlage gscheckt! I han denn vo ene en brief öbercho und sisch gstande: HERZLICHEN GLèCKWUNSCH WIR HABEN DICH AUFGENOMMEN. De hani all die underlage usgföllt und abgscheckt...

De beni dra amne buech läse, wo eine öber sin ustusch gschrebe het. Esch empfählenswert.

Em Mai hemmer en Treffpunkt gha wo alli Eltere und Ustuschschüeler cho send und det hend eus returnees eri erfahrige metteilt, wasi sehr spannend gfunde han.

Em Mai muesi denn uf bern go ufs konsulat go mis visum hole. Jede tag warti uf ne brief vode STS, wo denne stoht, wohe dasi chume...=(

Also i ben ja ebe en Bern gsi und han denne s Visum ned grad öbercho, wel mer no 2 Sache gfählt hend..s J1 und en Zahligsbeschtätigung..  I has denne nochegscheckt und es paar Täg spöhter hani den s Visum becho =)

Ede zwöscheziit hani nomol en Brief vo STS öbercho de sogenannti "last letter". Aber mini Gastfamilie hani emmer noni ='( 

1.7.07 18:23





Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung